Franca në Brazil, pa kampionin Nasri

Edhe përzgjedhësi i Francës, Didier Deschamps, ka publikuar listën e lojtarëve që do të udhëtojnë për në Kampionatin Botëror, Brazili 2014. 

Befasi ka qenë mospërfshierja e mesfushorit të Manchester Cityt, Samir Nasri, në këtë listë, i cili u shpall kampion ditë më parë me ekipin e tij në Premier League. 

“E respektoj vendimin e trajnerit. Do ta shikojë Kampionatin Botëror nga televizioni,” ka thënë Samir Nasri për Canal +, pasi që morri lajmin për listën e publikuar nga Deschamps. Bile, ai kishte shënuar edhe në ndeshjen e fundit të ligës, ku City u bë kampion. 

“Nëse nisja e ndeshjeve në një klub si Manchester City në formacionin bazë dhe fitorja e dy titujve kampion në tre vitet e fundit nuk është mjaft, shumë keq, por nuk do të brengosem për këtë gjë,” ka shtuar ish futbollisti i Olympique Marseille dhe Arsenal, që deri më tani ka 41 paraqitje me kombëtaren franceze. 

Përveç Samir Nasri, në Brazil nuk do të udhëtoj as bashkëlojtari i tij nga City, Gael Clichy si dhe qendërmbrojtësi i Milanit, Adil Rami. 

Franca do të bëj pjesë në Grupin E të Kampionatit Botëror, ku do të tentojë daljen nga grupi duke u përballur me Hondurasin, Ekuadorin dhe Zvicrën. 

FRANCA NË BRAZILI 2014: