Januzaj afër Botërorit

Futbollisti me origjinë kosovare që është lindur e rritur në Belgjikë, Adnan Januzaj, do të jetë pjesë e ekipit provizional të Belgjikës për Kampionat Botëror, Brazili 2014.

Januzaj që ka pasur një stinor të jashtëzakonshëm me Manchester Unitedin si i ri debutues në Premier League, ka pasur mundësi që të zgjedh disa përfaqësuese, por ai i ka mbetur besnik vendlindjes së tij. 

Kështu përzgjedhësi i përfaqësueses belge, Marc Wilmots, ka njoftuar se me pranimin e Adnanit që të luaj për Belgjikën, ai do ta ftojë atë në listën e gjërë 30 futbollistëshe para Kampionatit Botëror, duke e mbajtur fjalën. 

Në Kampionat Botëror udhëtojnë përfundimisht 23 futbollistë, derisa lista definitive dorëzohet më 2 qershor, kur më nuk ka mundësi të ndërrimit të lojtarëve. 

Belgjika bën pjesën në Grupin H kualifikues dhe ka kundërshtarë në grup: Algjerinë, Rusinë dhe Korenë Jugore.