Futbollisti polak i jep fund karrierës në kombëtare

Njëri ndër emrat e njohur të futbollit polak, portieri i disa ekipeve të njohura, Lukasz Fabianski, i ka dhënë fund karrierës si futbollist në përballjen e mbrëmshme që Polonia e fitoi ndaj San Marinos 5-0.

Në fakt, portieri 36-vjeçar i West Hamit kishte bërë të ditur për pensionim nga kombëtarja gjatë verës, por iu dha rasti për përshëndetje zyrtare në ndeshje ndaj San Marinos, duke bërë kështu edhe paraqitjen e 57 për Poloninë, ku mori edhe përshëndetjen lamtumirëse nga të pranishmit në fushë.

TABELA AKTUALE dhe ORARI I NDESHJEVE

Ai e la fushën në lot, në minutën e 58 të ndeshjes kur u zëvendësua për herë të fundit, nga portieri Radoslaw Majecki.

Kujtojmë, Polonia është në “luftë” me Shqipërinë për pozitën e dytë në Grupin I kualifikues për Botëror, që siguron një vend në PlayOff.