SIPAS DAILY MAIL
Futbollisti shqiptar kërkohet nga Liverpooli
26 January, 2017 @21:25
Gjiganti nga Premier League, Liverpool, ka shprehur interesim që në radhët e tij ta shtojë një futbollist shqiptar.
Sipas të përditshmes Daily Mail, të kuqtë janë të gatshëm të ofrojnë hiq më pak se 17 milionë funta për mbrojtësin e majtë të Real Betisit, Riza Durmishi.
Në fakt, çmimi prej 17 milionë funtave është kushti i vetëm që Durmishi të lirohet nga kontrata aktuale që ka me Betisin.
Futbollisti shqiptar që luan me përfaqësuesen e Danimarkës, ka rënë në sy të vëzhguesve të Liverpoolit dhe shumë shpejt mund të përfundojë në Anfield.
23 vjeçari me prejardhje nga Tetova, është transferuar te Real Betis në fillim të këtij stinori nga skuadra daneze, Brondby.
