Gauchot me fat karshi super Zvicrës

Argjentina është çerekfinalistja e parafundit në Brazil. Gauchosët kanë arritur të shënojnë fitore në minutën e parafundit të kohës shtesë kur nga një top i humbur në mes të fushës përfiton Lionel Messi që hyn deri në zonë me top, për të pasuar te Angel Di Maria që shënoi për fitore. 

Vetëm një minutë më vonë zëvendësuesi Blerim Xhemajli ka pasur rastin fenomenal për të shënuar kur qëlloi shtyllën nga afërsia, pas asistimit fenomenal të Xherdan Shaqirit. Xhemajlit thjesht i mungoi fati në këtë moment, për të çuar ndeshjen në penallti. 

Sidoqoftë, përkundër të gjithave, Xherdan Shaqiri, Granit Xhaka, Valon Behrami, Blerim Xhemajli e Admir Mehmedi - kanë luajtur si luanë të vërtetë - duke i shkaktuar telashe gjatë gjithë ndeshjes argjentinasve. 

Nëse asgjë tjetër, ata sonte me lojë dhe gjithçka tjetër të treguar në fushë - kanë zbardhur fytyrën e të gjithë shqiptarëve në botë. 

SKEMA