Gjermanët drejtojnë ndeshjen Italia-Shqipëria

UEFA ka bërë të ditur se ekipi i gjyqtarëve nga Gjermania, do të drejtojë  ndeshjen mes Italisë dhe Shqipërisë, që luhet të shtunën më 15 qershor në “Signal Iduna Park” të Dortmundit dhe është ndeshja e dytë e Grupi B, ku bëjnë pjesë edhe Spanja e Kroacia.

Felix Zwayer do të jetë kryesori në ndeshje, ndërsa ndihmës të tij janë Stefan Lupp e Marco Achmuller. Italia është mbrojtëse e titullit të EUROs, ndërsa në përballjen e parë të saj do të ndeshet me kuqezinjtë, që cilësohet të jenë të motivuar për të treguar veten në grupin, që po konsiderohet si i “vdekjes” në EURO.

ORARI I TË GJITHA NDESHJEVE DHE GRUPET

Edhe në VAR do të jenë gjermanët, të kryesuar nga Bastian Dankert.