Gjermania i beson Jogit

Federata e Futbollit të Gjermanisë ka lëshuar sot një njoftim në faqen e saj zyrtare ku ka bërë të ditur se përzgjedhësi i tashëm, Joachim Low, do të vazhdojë edhe për dy vite të radhës të udhëheq me kombëtaren e këtij vendi. 

“Që nga KB 2006, ekipi ynë ka qenë gjithmonë në mesin e skuadrave më të mira si në kampionat botëror ashtu edhe në europian,” ka thënë kreu i federatës gjermane, Wolfgang Niersbach në deklaratën e lëshuar. 

“Kemi besim të pafund të Joachim Low dhe… këtë dëshirojmë ta tregojmë me vazhdim të kontratës,” ka përfunduar ai. 

Kështu Low do të vazhdojë të udhëheq me ‘pancerët’ deri në vitin 2016, pa marrë parasysh suksesin në KB 2014 që mbahet në Brazil.