FLAMURTARI - GJILANI
Gjilani fiton në kryeqytet, vazhdon ndjekjen
3 October, 2019 @16:25
Pa shumë probleme e ka kaluar duelin e tij në Prishtinë te Flamurtari skuadra e Gjilanit.
Me dy gola të Gerhard Prognit në formë në pjesën e parë (20’, 30’) dhe nga një personal nga Bedri Greca në minutën e 54’ dhe Fiton Hajdari në minutën e 87’, gjilanasit nuk lanë vend për pikëpytje, për ta vazhduar kështu luftën me skuadrat kryesuese të tabelës.
Sa i përket Flamurtarit, goli i nderit për ta u shënua nga Festim Krasniqi në minutën e 76’, duke bërë që ndeshja të mbyllet me rezultatin përfundimtar 1-4.
Me Gjilanin që këtë sezon po kalon formë të mirë, Flamurtari në anën tjetër momentalisht ndodhet në zonën e rrezikshme.
