DERBI GJILANAS
Gjilani i kuq, Drita i shpëton rënies
22 May, 2016 @16:43
Në fund të derbit më të madh në vend, atij ndërmjet Dritës dhe Gjilanit, u gëzuan që të dyja skuadrat, megjithëse fitore shënoi njëri ekip.
Gjilani e mposhti rivalin lokal me rezultat minimal 1-0 me golin e Egzon Shabanit në minutën 80’.
Por kjo humbje megjithatë ishte e mjaftueshme për Dritën, e cila i shpëtoi rënies nga Superliga, falë humbjes së Istogut në Skenderaj nga Drenica.
Me këtë fitore Gjilani e përfundoi kampionatin në pozitën e pestë me 49 pikë, ndërsa Drita tani do të mundohet ta sigurojë ekzistencën duke luajtur ndeshje të barazhit.
