Gjilani i pamposhtur, i afrohet kreut

Seria e pamposhtshmërisë së Gjilanit ka vazhduar edhe pas 10 javëvve të Superligës. Kuqebardhët e Gjilanit të drejtuar nga Arbnor Morina sot kanë mposhtur Drenicën në Gjilan, 2-1, për të arkëtuar tre pikëshin që i çon ata pranë kreut të klasifikimit në Superligë.

Edhepse në pjesën e parë nuk pati gola, në pjesë të dytë gjilanasit morrën epërsinë përmes Armend Thaqit. E pas golit, vendasit u rehatuan dhe pritën Drenicën, duke tentuar në mënyra tjera, deri kur Sabit Geci shënoi autogol, për 2-0 të Gjilanit, që siguroi gjithçka për ‘skifterët’ sot.

Krejt në fund, Genc Hamiti shënoi golin e nderit për Drenicën, kur tashmë ishte minuta e fundit shtesë e dhënë nga referi.

Kjo është fitorja e katërt e Gjilanit në stinor, kanë edhe 6 barazime dhe tashmë me 18 pikë janë vetëm dy pikë larg Llapit lider.

Në anën tjetër, Drenica vazhdon të jetë kah mesi i tabelës me 13 pikë.

Në xhiron që vjen, Gjilani është mysafir i Vllaznisë, ndërsa Drenica pret Feronikelin.