MBROJTËS ME PËRVOJË
Gjilani zyrtarizon edhe Franc Veliun
10 September, 2019 @16:33
Skuadra e Gjilanit nuk ka të ndalur në merkaton verore. Para pak çastesh skuadra që drejtohet nga trajneri Gentian Mejzani, ka zyrtarizuar mbrojtësin e njohur nga Shqipëria, Franc Veliu.
Veliu vjen te Gjilani si futbollist i lirë. Në sezonin e kaluar ka qenë pjesë e Flamurtarit të Vlorës.
Përndryshe, Veliu 30 vjeç ka qenë pjesë edhe e kombëtares së Shqipërisë në periudhën 2009-2013, ku ka regjistruar shtatë paraqitje me kuqezinjtë.