NGA KONFERENCA
Southgate pranon se ndaj Kosovës do të jetë më së vështiri
9 September, 2019 @23:23
Përzgjedhësi i Anglisë, Gareth Southgate, që është duke kaluar një kohë tepër të mirë me ekipin dhe ka çuar skuadrën në gjysmëfinale të Kampionatit Botëror, ka pranuar se në këto kualifikime kundërshtari më i vështirë është Kosova.
TABELA AKTUALE dhe ORARI I NDESHJEVE
Në konferencën e sotme për shtyp, selektori i albionëve ka thënë qartë se ndeshja më e vështirë e grupit do të luhet nesër.
“Jam impresionuar me lojën e Kosovës. Kosova bën presion, do të jetë më vështirë sesa ndaj Bullgarisë. I kuptoj, janë shtet i ri, luajnë me shprit për ekipin dhe për flamurin e tyre, kanë entuziazëm të madh, që po e shtrojnë mençur në fushë,” ka thënë Southgate.
TABELA AKTUALE dhe ORARI I NDESHJEVE
Sa i përket individëve te Kosova, ai ka përmendur Bersant Celinën dhe Vedat Muriqin, derisa ka pasur fjalë të mira edhe për Mërgim Vojvodën.
“Bersant Celinën e njoh nga Swansea. Ndërsa Vedat Muriqi me fizikun e tij i shkakton probleme çdo mbrojtjeje. Edhe mbrojtësi Vojvoda nuk ndalet, pasi që i ndihmon shumë sulmit,” ka bërë të ditur ai.
TABELA AKTUALE dhe ORARI I NDESHJEVE
Anglia - Kosova luhet nesër me fillim prej orës 20:45 në Southampton të Anglisë. Anglia dhe Kosova janë dy skuadrat e vetme pa humbje në Grupin A. Dy reprezentacionet që përfundojnë grupin në dy vendet e para, sigurojnë biletat për EURO 2020. Kosova luan për herë të parë në histori të saj ndaj Anglisë.