Gjysmëfinalisti i fundit, sonte

Gjysmëfinalisti i fundit i Kupës së Italisë vendoset sonte. Në San Paolo të Napolit, ekipi i Rafael Benitezit, që është edhe mbrojtës i trofeut të Kupës së Italisë ndeshet me Interin e Roberto Mancinit, që përkundër transfereve të bujshme nuk po arrin rezultate të pritura. 

Mbrëmë, Fiorentina me anë të sulmuesit të saj gjerman, Mario Gomez, mposhti Romën 0-2 në Olimpico, duke u bërë ekipi i tretë që u kualifikua në gjysmëfinale. 

Karakteristikë e deritashme e çerekfinales së Kupës ka qenë se të gjitha ekipet mysafire u kualifikuan në gjysmëfinale, pasi që me një ndeshje përcaktohet i kualifikuari dhe i eliminuari nga gara.

Fituesi i ndeshjes Napoli-Inter në gjysmëfinale do të takohet me Lazion e Lorik Canës dhe Etrit Berishës. 

Përballja tjetër gjysmëfinale luhet ndërmjet Juventusit dhe Fiorentinës.