Golashënuesi Usain Bolt!

Sprinteri xhamajkan dhe një nga atletët më të mirë të të gjithë kohërave, Usain Bolt, tashmë e ka realizuar edhe ëndrrën e tij të kahmotshme, atë të të qenit futbollist dhe njëkohësisht golashënues në këtë sport.

Sprinteri xhamajkan, tifoz i Manchester United, shumë herë kishte shprehur dëshirë që të luajë për 20 herë kampionin anglez, por pasi që kjo ishte e pamundshme për shkak të mungesës së kualitetit, Bolt ka filluar karrierën e tij futbollistike me skuadrën Central Coast Mariners në Australi.

E në ndeshjen e tij të parë me këtë klub, ndeshje e cila u zhvillua sot në mëngjes, Bolt ka shënuar 2 gola, për ta shfaqur talentin e tij edhe jashtë atletikës dhe sprinteve prej 100 e 200 metrave.