Golat Hykës, fitorja Taulantit

Jahmir Hyka ka shënuar dy gola për të kthyer ekipin e tij, Luzern, në ndeshje ndaj Baselit, derisa këta të fundit ishin në epërsi 0-1.

Mirëpo, Basel u kthye në 20 minutëshin e fundit në lojë dhe me golat e zëvendësuesit austriak, Marc Janko, ka fituar ndeshjen 2-3.

Taulant Xhaka ka qenë për 90 minuta në fushë te Baseli dhe është treguar me luftën e tij, derisa në minutën e 21 ka marrë edhe karton të verdhë.

All Goals - Luzern 2-3 Basel - 07-08-2016 by football__live

Te Luzerni për 90 minuta në fushë ka qenë edhe futbollisti i përfaqësueses së Kosovës, Hekuran Kryeziu, që përveç tjerash ka marrë karton në minutën e 33-të të ndeshjes.

Basel vazhdon të jetë lider i Superligës zvicerane me 3 fitore në 3 ndeshjet e para të stinorit, te të cilat Xhaka ka qenë në të gjitha minutat në fushë.

Ndërsa Luzerni i Hykës e Kryeziut ka pësuar humbjen e parë dhe është aktualisht i treti në klasifikim me 6 pikë nga 3 ndeshje.