ZYRTARE
City kompleton edhe një transferim
6 August, 2016 @11:02
Vazhdojnë transferimet te Manchester City.
Pak ditë pas zyrtarizimit të Leroy Sanes nga Schalke dhe Gabriel Jesusit nga Palmeiras, klubi anglez ka kompletuar edhe një transferim tjetër. Bëhet fjalë për 19-vjeçarin Marlos Moreno, i cili impresionoi me paraqitje në sezonin e fundit të Copa Libertadores, sezon në të cilin skuadra e tij Atletico Nacional e fitoi këtë trofe. Kolumbiani shënoi 3 gola në 3 ndeshjet e zhvilluara në këtë garë.
Marrëveshja u kompletua për afro 4.75 milionë funte, ndërsa lojtari do të huazohet menjëherë te Deportivo La Coruna, pasi që ende nuk është i gatshëm për Premier Ligën angleze.
