FULHAM
Goli i Kasamit, kandidat për golin e vitit
22 October, 2013 @10:30
Supergoli i shënuar mbrëmë i Pajtim Kasamit në ndeshjen Crystal Palace - Fulham është futur në listën e golave të stinorit në Premier League të Anglisë.
Mesfushori 21 vjeçar shqiptar që luan për kombëtaren e Zvicrës, e ka shënuar golin e tij për të barazuar 1-1, pasi që kundërshtari Crystal Palace udhëhiqte 1-0.
Por, goli i tij ka qenë i jashtëzakonshëm, kur ka pranuar topin në gjoks dhe ka shënuar nga këndi i zonës së gjashtëmbëdhjetëmetërshit me gjysmëvolej.
Fulham shënoi edhe një gol shumë të bukur, me anë të Steve Sidwell, që gjithashtu është futur në listën për golat më të mirë të stinorit 2013/14.
Fulham në fund ka mposhtur Crystal Palace-in 1-4 si mysafir duke dalë në vendin e 14-të të Premier League.
Video
Crystal Palace - Fulham 1-4
Goli i Pajtim Kasamit në ndeshjen Crystal Palace-Fulham. Ky gol ka hyrë në listën e golave kandidat për golin e vitit në Premier League.
