PUSKAS
Goli më i mirë i vitit
15 November, 2012 @15:11
Ky është viti i tretë radhazi për argjentinasin Lionel Messi, që është vënë në çmimin Puskas. Goli me të cilin do të garojë Messi, është goli i shënuar në miqësoren ndërmjet Argjentinës dhe Brazilit, me 9 qershor të vitit 2012 në New Jersey, ku Argjentina kishte fituar me rezultat 4-3.
Ndërsa kandidatët të tjerë përveç Messit janë : Agyemang-Badu, Hatem Ben Arfa, Radamel Falcao, Eric Hassli, Moussa Sow, Gastón Mealla, Miroslav Stoch, Neymar, si dhe futbollistja Olivia Jiménez.
Tifozët mund të votojnë nga gjithë bota, ku do të caktohen së pari tre golat më të votuara deri në datën 29 nëntor, pastaj ata do të votohen përsëri në mes veti, deri në datën 7 janar.
Messi në vitin 2010, fitoi vendin e dytë me golin e shënuar ndaj Valencia-së, ndërsa në vitin 2011, e zuri vendin e tretë me golin e shënuar kundër Arsenalit.
Votoni në faqen tonë në Facebook duke klikuar këtu.
