Gomez drejt Tottenhamit

Sulmuesi i Bayern Munchenit, Mario Gomez, është i interesuar të largohet nga skuadra e tij, Bayern Munchen.

Dëshirën e tij është e gatshme për ta plotësuar skuadra londineze, TOttenham, e cila është në konkurrencë edhe me Napolin dhe Bayer Leverkusenin.

Trajneri i Tottenhamit, Andre Villas-Boas, kërkon me çdo kusht që në skuadër të transferohet një sulmues cilësor, derisa edhe menaxheri i Gomezit, Uli Ferber, ka deklaruar se futbollisti në fjalë do të largohet nga bavarezët në këtë afat kalimtar.

Drejtuesit e Tottenhamit po planifikojnë që nga java e ardhshme t’i fillojnë zyrtarisht negociatat për transferimin e Mario Gomezit.