Grekët ‘në ferr’ të Zenicës

Ndeshja ndërmjet dy kombëtareve më të fuqishme të Grupit G kualifikues për Kampionat Botëror, Brazili 2014, Bosnjës e Hercegovinës dhe Greqisë, gjithashtu pritet të jetë e tensionuar si në fushë ashtu edhe jashtë saj. 

Qeveria boshnjake ka vënë në alarm forcat speciale që të bëhen gati për gjithçka pasi që qyteti i Zenicës sonte pritet të jetë ‘në zjarr’. 

Derisa qytetarët boshnjakë dhe kroatë të BeH-së përkrahin kombëtaren e tyre, ata serb, janë me grekët! 

Ndërkaq në fushë, pritet të jetë një duel gjigand, ku boshnjakët presin të arrijnë fitore ndaj helenëve. 

Trajneri i Bosnjës, Safet Susic, ka thënë para ndeshjes se ai do të kërkojë lojë ofanzive nga të përzgjedhurit e tij, kurse nuk dihet ende se a do të paraqitet në ndeshje ylli boshnjak që luan për Romën, Miralem Pjanic. 

Ndërkaq përzgjedhësi i grekëve, Fernando Santos, nuk ka dilema lidhur me lojën e kombëtares që e udhëheq. I presim dhe i godasim, ka thënë ai dje. 

Bosnja dhe Greqia janë lidere të Grupit G, me nga 10 pikë dhe fitorja për njërën palë do të ishte fitore e madhe në aspektin motivues për ndeshjet tjera të grupit. (Në video mund të shihni pamjet nga ndeshja e parë e zhvilluar në Greqi) 

KUALIFIKIMET PËR "BRAZILI 2014" - GRUPI G -

GRUPI G - TABELA AKTUALE