Griezmann shpërthen në pjesë të dytë

Ndeshja ndërmjet Athletic Bilbaos dhe Atletico Madridit kishte dy pjesë krejtësisht të ndryshme.

Derisa pjesa e parë përfundoi me epërsinë 1-0 të vendasve, në pjesën e dytë mysafirët e kthyen rezultatin në të mirë të tyre duke shënuar katër gola.

E për këtë rikthim më meritori ishte françezi i Atleticos, Antoine Griezmann, i cili shpërtheu duke shënuar hat-trick, derisa një gol u shënua nga Raul Garcia nga penalltia.

Goli i vetëm i Bilbaos u shënua nga Mikel Rico në minutën 17’ të ndeshjes.

Me këtë rezultat Atletico ka arritur t’i kthehej fitoreve, pas humbjes së fundit ndaj Villarrealit, derisa Bilbao e regjistroi edhe ndeshjen e tretë rresht pa fitore.

Rezultatet dhe tabela aktuale.