PARA NDESHJES
Guardiola kërkon përqëndrim maksimal
13 April, 2016 @9:37
Me ndeshjen e parë në Mynih që u mbyll 1-0, gjithçka mbetet e hapur sa i përket kualifikimit. Këtë e ka të qartë edhe Pep Guardiola, i cili në konferencën para ndeshjes deklaroi:
“Jemi të përqëndruar maksimalisht. Duhet të luajmë mirë në mbrojtje dhe të tentojmë të shënojmë. Benfica ka mungesat e veta mirëpo edhe ne kishim vazhdimisht mungesa gjatë sezonit. I tillë është futbolli. Skuadrat e njohin njëra-tjetrën mirë dhe taktikisht jemi të përgatitur. Duhet të luajmë mirë nëse e duam kualifikimin.”
Me një kualifikim të mundshëm, Bayerni do t’i bashkangjitej në gjysmëfinale Cityt, Real Madridit dhe fituesit ndërmjet Atleticos e Barcelonës.
