INTER
Guarin shënon për kualifikim
26 February, 2015 @20:56
Kolumbiani Freddy Guarin ka prishur barazpeshën në rezultat për t’ia dhënë Interit fitoren ndaj Celticut të Skocisë dhe për të siguruar kualifikimin për ekipin e tij.
Goli i Interit ka ardhur dy minuta para fundit të takimit, derisa Celtic luante që nga minuta e 35-të e ndeshjes me një lojtar më pak, pas përjashtimit të Virgil Van Dijkut.
Xherdan Shaqiri ka luajtur për 90 minuta dhe ka qenë pjesë e fitores që e çon Interin përpara.
Ndeshja e parë ndërmjet këtyre dy skuadrave kishte përfunduar 3-3 në Skoci.
