Guingamp fiton Kupën e Francës

Finalja e Kupës së Francës solli fitues Guingampin, që mposhti Rennesin 2-0 në Stade de Frace të Parisit. 

Dy skuadrat që ende nuk e kanë siguruar mbijetesën në Ligue 1, u ndeshën në finale, pasi që skuadrat e njohura si Paris St Germain, Monaco, Lyon e Marseille, ishin eliminuar më parë në këtë garë. 

Jonathan Martins Pereisa dhe Mustapha Yatabare shënuan golat në fitoren e sigurt të Guingampit, derisa Rennes asnjëherë nuk u duk rival i denjë në këtë finale, përkundër se në ekip kanë disa lojtarë me emër si Ola Toivonen e Jean Makoun. 

Të njejtat skuadra janë ndeshur edhe në finalen e vitit 2009 dhe fituesi kishte qenë i njejtë. 

Gjithashtu, ekipi i Guingamp ka regjistruar një karakteristikë interesante duke qenë fituesi i parë që nga viti 1994 i Kupës, që ka fituar finalen me më shumë se një gol dallim.