Hadërgjonaj dhe Sallahi, priten nga Kosova

E përditshmja Zëri në numrin e sotëm të saj ka bërë të ditur se dyshja Florent Hadërgjonaj dhe Ylli Sallahi, janë shumë afër të jenë pjesë e përfaqësueses së Kosovës në futboll.

Hadërgjonaj është mbrojtës 22 vjeçar dhe aktualisht është lojtar i Ingolstadtit në Bundesliga. Ai ka qenë pjesë e reprezentacionit U-21 të Zvicrës, ku ka pasur 9 paraqitje në kualifikimet e kaluara me këto grupmosha.

Në anën tjetër, Ylli Sallahi, është mesfushor i lindur në Skenderaj, ndërsa është ngritur si i ri në Bayern Munchen, duke kaluar nëpër gjeneratat e reja të ekipit, bile në stinorin 2013/14 ka shënuar edhe një paraqitje në Bundesligë.

Sallahi 22 vjeç aktualisht është lojtar i Karslruhes në Bundesliga 2, ndërsa është pjesë e reprezentacionit U-21 të Austrisë.