Drejtori sportiv do ta udhëheq Prishtinën!

Kampioni i shumëfishtë i Kosovës, Prishtina, para pak çastesh ka bërë të ditur se drejtori sportiv i ekipit, Lutz Lindermann, do të merr drejtimin e skuadrës.

Për momentin, klubi bardhekaltër që është lider i klasifikimit nuk ka bërë të ditur asnjë arsye për largim, shkarkim, dorëheqje apo tjetër ndonjë arsye të mungesës së Kushtrim Munishit.

Sidoqoftë, përmes faqes zyrtare të ekipit në Facebook, Prishtina ka komunikuar se gjithçka do të qartësohet pas pak.

Prishtina është lidere aktuale e Superligës. Ekipi ka renditur katër fitore karshi një barazimi dhe nuk ka pësuar ende, duke i mbledhur 13 pikë nga 15 maksimale deri sot.

Edhe Kushtrim Munishi, por edhe Lindermann - janë persona që kanë ardhur këtë verë si përforcime ne shtabin teknik të ekipit.

Prishtina në xhiron e gjashtë ndeshet me kampionin aktual, Ferronikelin.