SHQIPTARI NË ANGLI
Hadërgjonaj i lumtur me debutimin në Premiership
24 September, 2017 @23:15
Mbrojtësi i krahut me origjinë nga Kosova, Florent Hadërgjonaj, ka debutuar dje në Premier Ligë, ndërsa sot në një postim të tijin në rrjete sociale ka thënë se është i lumtur me arritjen e tij.
“I lumtur me ndeshjen time të parë në Premier Ligë,” ka shkruar në tre gjuhë Hadërgjonaj, ku pas shqipes, ka shkruar në anglisht dhe pastaj edhe gjermanisht në postimin e tij.
Hadërgjonaj, që përfaqëson Zvicrën në futbollin ndërkombëtar, u fut në fundin e ndeshjes në lojë, ku luajti në minutat shtesë të ndeshjes ndaj Burnley, derisa ekipi i tij Huddersfield fitoi një pikë në udhëtim.
