Hajrovic i Galatasarayit

Mesfushori boshnjak i Grasshopersit, Izet Hajrovic, sot edhe zyrtarisht është bërë lojtar i Galatasarayit të Stambollit, pasi që ka kaluar testet mjekësore. 

Në deklaratën e tij të parë para mediave turke ai ka thënë se është i lumtur me kalimin e tij në një klub të madh dhe me histori. 

Hajrovic 22 vjeç është njëri ndër futbollistët premtues të përfaqësueses boshnjake dhe turqit tani po mundohen që ta regjistrojnë si lojtar vendor nëse vërtetohet ndonjë lidhje familjare e tij me Turqinë. 

Mediat turke kanë bërë Show sot duke dalë me tituj bombastik si “Messi i Galatasarayit” për shkak se mesfushori i ri i ngjan në fytyrë superyllit argjentinas Lionel Messi.