Ronaldinho në Besiktas!

Futbollisti më i mirë i vitit 2013 në Amerikën Latine dhe ish ylli i Barcelonës, Milanit e PSG-së, Ronaldinho, ka arritur marrëveshje me klubin turk Besiktas. 

Kështu ka bërë të ditur e përditshmja holandeze De Telegraaf sot, duke shkruar se pas bisedimeve të shumta braziliani 33 vjeçar ka arritur marrëveshje me klubin turk deri në mesin e vitit 2016. 

Në dy vite e gjysmë sa do të qëndrojë në Stamboll, Ronaldinho do të fitojë në mes 10 deri në 15 milionë euro. Ai do të kalojë në ligën turke si lojtar i lirë nga Atletico Mineiro.