6 muaj jashtë fushave

Përkundër se në fillim dukej i lehtë, lëndimi i marrë në ndeshjen e fituar ndaj Tottenhamit në FA Cup, ka dalë të jetë dardhë me bisht për Theo Walcottin, Arsenalin dhe përfaqësuesen angleze. 

Këmbëshpejti Walcott do të mungojë nga fushat për 6 muajt e ardhshëm, që do të jetë mungesë e madhe pë Arsenalin, që këtë stinor ka marrë rrugë të mirë në drejtim për titullin e kampionit të Anglisë. 

Njoftimin e ka bërë të ditur vetë klubi në faqen zyrtare të saj sot, derisa tani trajnerit Arsene Wenger i janë lidhur duart edhe më pasi që ditë më parë iu lëndua edhe qendërsulmuesi rezerv, Nicklas Bendtner, pas Olivier Giroudsë. 

Walcott 24 vjeçar ka qenë në formë të shkëlqyeshme prej se u shërua nga lëndimi i stomakut, duke shënuar pesë gola brenda muajit për klubin e tij. Ai si 17 vjeçar ka qenë pjesë e Anglisë në Kampionatin Botëror, Gjermania 2006, por nuk është shfrytëzuar për asnjë minutë aty, derisa nuk u ftua fare në Kampionatin Botëror, Afrika e Jugut 2010. 

Arsene Wengerit i mbetet të reagojë shpejtë gjatë afatit kalimtar të janarit për të mbushur vendet e zbrazëta në ekip, pasi që tanimë çdo pikë e humbur mund t’i kushtojë shumë në garë për titull. Mediat angleze deri më tani kanë përfolur emrat e sulmuesit bullgar, Dimitar Berbatov dhe atij kroat, Mario Mandžukić, si opcione për Arsenalin.