Kaka me gol jubilar në fitore

Milan ka nisur me tre pikë Vitin e Ri. Braziliani Kaka ka shënuar golin jubilar të 100-të, por edhe të 101-tën me rossonerët, derisa Bryan Cristante ka shënuar golin e fundit të ekipit të tij, në debutimin e tij si startues në një ndeshje të Serie A me Milanin. 

Rezultati nuk përkon me atë që u pa në fushë, pasi që Atalanta kishte rastet e veta, por kolumbiani Cristian Zapata, pastaj edhe Christian Abbiati me intervenimet e tij kanë qenë esencial në ruajtjen e portës, e cila mbeti e paprekur në fund nga mysafirët bergamez. 

Kaka shënoi golin e parë dhe të dytë për Milanin, e Cristante u dallua me lojë të mirë, përkundër moshës së re dhe debutimit në formacion të parë. 

Sot për rossonerët debutoi edhe huazimi i ri Adil Rami, që u fut në ndeshje në 8 minutat e fundit të saj. Trajneri Massimiliano Allegri e quajti këtë ndeshje ‘luftë për mbijetesë’, pasi që Atalanta kishte vetëm një pikë më pak se Milan, që pas ndeshjes u bë katër. 

Rezultatet dhe tabela aktuale.