Addio Roma!

Dallimi pesëpikësh që datonte nga gjysmëstinori vjeshtor i kreut të Serie A ndërmjet Juventusit dhe Romës, sonte u bë 8. 

Juventus ka shkatërruar në derbin e xhiros së parë të Vitit 2014 Romën 3-0 në Juventus Arena me anë të golave të Arturo Vidal, Leonardo Bonucci dhe Mirko Vucinic. 

Juventus sa shkonte koha bëhej edhe më i rrezikshëm, derisa Roma vetëm sa shtonte frustrimin duke mos gjetur mënyrë për të shënuar. Roma me Rudi Garcian në krye ndërroi sistemin, në 4-2-3-1, por pa sukses, pasi Antonio Conte reagoi me largimin e Carlos Tevezit nga loja dhe futjen e Mirko Vucinicit. 

Juventus tani më duket i pandalshëm në mbrojtjen e titullit përkundër se ka edhe gati gjysmëstinori për tu luajtur. Roma në anën tjetër ka pësuar humbjen e parë të stinorit 2013/14 sonte, pas 17 xhirove pa humbje. 

Rezultatet dhe tabela aktuale.