Swansea thellon krizën e Manchesterit

Ekipi uellsian, Swansea City, i udhëhequr nga Michael Laudrup ka arritur që të eliminojë sot Manchester Unitedin nga FA Cup. 

Me këtë Manchester United është eliminuar nga gara më e vjetër në futboll, derisa kriza e ekipit të David Moyesit po thellohet edhe më. 

Wayne Routledge ka ngritur në epërsi shpejtë Swansean, por Javier Hernandez nuk ka lënë të gëzohen shumë mysafirët pasi që ua ktheu shpejtë. 

Mirëpo, befasinë për në fund e kishte ruajtur sulmuesi afrikan i ekipit të Laudrupit, Wilfried Bony, i cili shënoi në minutën e fundit të kohës së rregullt për të vendosur fatin e ndeshjes. 

As hyrja e Adnan Januzajt nga minuta e 63-të e lojës nuk ndikoi që Manchester United të bëj diçka më shumë. 

Lojtar i ndeshje u zgjodh mbrojtësi i Swanseat, Chico Flores, i cili padyshim ishte lojtari më i mirë i ndeshjes duke ndalur në momente kyqe sulmues e djajve të kuq. 

Chelsea e Liverpool kalojnë pengesat

Liverpool ka mposhtur Oldhamin 2-0 me gola nga spanjolli Iago Aspas dhe një autogol të mysafirëve. E Chelsea ka kaluar Derby Countyn me rezultat identik në saje të golave të shënuara në pjesë të dytë nga John Obi Mikel dhe Eden Hazard.