Hakmarrja e ‘budallait’

Jo vetëm budalla, por edhe dhjetëra nofka tjera iu dhanë atij. Mirëpo, kiliani përkundër të gjithave me kokë lartë dhe me gjuhën nën kontrollë, ka mposhtur zëvendësuesin e tij Jose Mourinho. 

Manuel Pellegrini me Malagën e tij të dobësuar në krahasim me stinorin e kaluar ka arritur që të mposht ekipin e Jose Mourinhos 3-2, për t’i treguar vlerat e tij të vërteta që për shumëkë në Madrid kanë qenë të manipuluara nga mediat.

“Nëse Reali do të më shkarkonte mua, do të kthehesha në një klub të madh në Angli apo diku tjetër, e jo të udhëheq Malagën,” i kishte thënë Mourinho Pellegrinit atëherë, dy stinorë më parë.

Manueli përsëri është i qetë dhe nuk flet - vazhdon të punojë me Malagan.

REZULTATI:

Malaga - Real 3-2 (Isco 49, Cruz 73, 76 - Sergio ag. 66, Benzema 82)