Hasani: Nuk do ta kemi lehtë

Kapiteni i Shkëndijës Ferhan Hasani në konferencën për shtyp para ndeshjës që ka skuadra e tij në kualifikimet për Europa League ndaj Helsinkit,ka reflektuar optimizëm sikurse trajneri i tij.

“Kemi para kundërshtar të fortë. Pas ndeshjeve që treguam në raundin e parë kundër Daçias edhe pse kishim rezultat të mirë, kjo nuk do të thotë se do ta kemi të lehtë në raundin e dytë, pasi kemi përballë kundërshtar të fortë. Mirëpo nëse përsërisim paraqitjet si në raundin e parë, me maksimumin e të gjithë mendoj ne do të arrijmë rezultat pozitiv”,ka thënë kapiteni Ferhan Hasani.

Kapiteni Hasani pritet që të luaj nga fillimi në ndeshjen e nesërme dhe që ti motivoj bashkëlojtarët e tij që të vazhdojnë më tutje.Ndeshja Shkëndija – HJK Helsink zhvillohet nësër në stadiumin Mladost,të Strumnicës.