Hasani: Nuk është me rëndësi minutazhi im, por skuadra

Golashënuesi i vetëm në ndeshjen kundër Gjibraltarit, Florent Hasani, në konferencën e fundit për shtyp ka thënë se nuk është me rëndësi minutazhi, por efikasiteti për skuadër.

“Çdo lojtar këtu është i gatshëm sa do që t’i ipet minutazh, pa marrë parasysh ose prej fillimit ose në pjesën e dytë apo në 5 minutat e fundit. Çdo lojtar këtu është i gatshëm të kontriboj për ekipin.

Mendoj që ata do të vijnë të shkaktojnë probleme për neve së pari, pastaj do të tentojnë të marrin rezultat të mirë. Ne jemi të gatshëm nga minuta e parë, do të hyjmë në fushë për fitore ngase është një finale e radhës për ne.

Konkurenca çdo herë e më shumë po shtohet, të lënduarit po kthehen, kjo është e mirë për ekipin tonë. Konkurenca e bën të vetën, do të jetë në dobinë tonë.”- ka thënë Florent Hasani.

TABELA AKTUALE dhe ORARI I NDESHJEVE

Kosova do të luajë me Malin e Zi më 14 tetor në ora 20:45 në stadumin “Fadil Vokrri”.