Hasi dërgon Anderlechtin drejt titullit

Trajneri gjakovar i Anderlechtit, Besnik Hasi, ka arritur që të shënojë fitoren më të madhe të stinorit sonte. 

Anderlecht ka mposhtur rivalin e përbetuar të tyre, Brugge, si mysafir me rezultat minimal 0-1 në stadiumin Jan Breydel. 

Fitorja e Anderlechtit bëhet edhe më e madhe kur kihet parasysh se Hasi mbeti me dhjetë futbollistë në fushë që nga minuta e 37-të e lojës kur sulmuesi serb i ekipit të tij, Aleksandar Mitrovic, u ndëshkua me karton të kuq. 

Sidoqoftë, kjo përkundër se ndryshoi lojën e Anderlechtit, nuk i zbrapsi ata, të cilët në fund shënuan fitore të madhe. 

Tash Anderlecht ka 42 pikë, një më pak se lideri Standard i Liege dhe gjindet në pozitën e dytë.