Mposhtet Atletico

Atletico Madrid ka pësuar disfatën e parë pas 10 xhirove në La Liga. Seria e tyre prej 9 fitoreve me radhë në Spanjë është ndalur sot në Valencia kur ata janë mposhtur befasisht nga Levante, 2-0. 

Skuadra e Diego Simeones ka qenë tërësisht e kompletuar për këtë ndeshje, por si duket arritja e finales së Ligës së Kampionëve dhe barazimi i Barcelonës mbrëmë i bëri ata që të marrin me lehtësi këtë ndeshje - që i solli ata deri te humbja. 

E Levante, që shënoi fitore vetëm për frymë sportive - pasi që nuk i duhej asgjë për renditje tabelare, ka bërë punë të madhe për Real Madridin - që tashmë mund të barazohet me pikë me Atletico Madridin në krye të renditjes. 

Atletico Madrid në dy xhirot e fundit do të takohet me Malagan dhe Barcelonën. 

Rezultatet dhe tabela aktuale.