CHELSEA
Hazard i lënduar, s’luan sonte
25 October, 2018 @14:43
Mesfushori në formë dhe ylli i ekipit të Chelseat, Eden Hazard, nuk do të jetë në dispozicion të ekipit sonte në kuadër të Europa Ligës.
Trajneri Maurizio Sarri ka bërë të ditur në konferencën për shtyp para ndeshjes Chelsea - BATE Borisov se Hazard ka lënduar shpinën në ndeshjen e fundit dhe nuk do të jetë në gjendje t’i ndihmojë ekipit në këtë ndeshje.
Sidoqoftë, lajmi i mirë është se belgu do të jetë në dispozicion për duelin e radhës ndaj Burnleyt, nëse gjithçka shkon në rregull.
Përndryshe, Chelsea është i pari në Grupin L të Europa Ligës me 6 pikë, 3 para PAOKut dhe BATEs dhe 6 para Vidit.
