JOSE MOURINHO
Mourinho flet për Chiellinin e Bonuccin
23 October, 2018 @23:41
Trajneri i Manchester Unitedit, Jose Mourinho, tashmë ka bilanc aspak të mirë me ekipin. Në shtatë ndeshjet e fundit në të gjitha garat, ka vetëm një fitore!
E në deklartën e tij pas ndeshjes dhënë BT Sportsit për duelin me Juventusin ka lëvduar jo forcën sulmuese, por atë mbrojtëse të bianconerëve.
”Çdonjëri u mundua deri në fund, çdo lojtar yni ka qenë i fortë mentalisht dhe ka luftuar deri në fund të takimit. E Juventus këtë e ndjeu dhe shtoi edhe një qendërmbrojtës përkrah dyshes së jashtëzakonshme Chiellini e Bonucci. Ka qenë me të vërtetë vështirë. Mendova se mund të marrim diçka nga kjo ndeshje, por ka qenë e pamundur,” ka thënë Mourinho.
