Hazard rikthehet në Madrid

Sulmuesi i Real Madridit, Eden Hazard është përsëri në Madrid pasi ka punuar në rehabilitimin e tij së bashku me fizioterapistin e ekipit belg, Lieven Maesschalk.

Ish lojtari i Chelsea do të vazhdojë në kryeqytetin spanjoll për të rikuperuar lëndimin e tij, në të cilin vendosi të mos i nënshtrohej një operacioni, pas këshillës së ekipeve mjekësore të Real Madrid dhe Belgjikës.

Shoku i tij i ekipit në kombëtare dhe në Real Madrid, portieri Thibaut Courtois, tha në një intervistë për kanalin VTM-së, se është e vështirë ta shohësh atë jashtë fushës, ai kurrë nuk e kishte parë Hazardin në gjendje të tillë.

“Pas dëmtimit të tij të mëparshëm, ai kishte disa ditë të vështira, por këtë herë e shoh që ai po punon shumë fort çdo ditë në stërvitje. Ai është i sigurt se do të jetë më i mirë se kurrë.”