Higuain kalon te ‘Zonja e Vjetër’

Pas shumë spekulimeve, vjen edhe konfirmimi zyrtar.

Gonzalo Higuain është lojtari më i ri i skuadrës së Juventusit. Përkundër tentimeve të Napolit që mos ta shesin sulmuesin argjentinas te rivali për titull, Juventusi nuk është dorëzuar deri në fund dhe ka arritur që ta mbyll marrëveshjen, e cila ka kapur shumën e 90 milionë eurove.

Lajmi u konfirmua nga faqja zyrtare e Juventusit pak më parë, ndërsa pas Pjacas, Pjanicit, Dani Alvesit, Benatias dhe Leminas, ky është transferimi i gjashtë i ‘Zonjës së Vjetër’ këtë afat kalimtar.