Ranieri kurreshtar

Trajneri italian i Leicester Cityt, Claudio Ranieri, ka thënë se është kurreshtar të di se si do të reagojë ekipi i tij kur nis stinori i ri i Premier Ligës.

”Ëndrra u realizua vjet. Tash jam kurreshtar të shoh se si do të reagojnë lojtarët kampionë. Të shtyhen me ekipet favorite për titull, si do të përgjigjen në luftën për një vend që dërgon më lartë në tabelë...,” ka thënë Ranieri për ESPN-in sot.

“Më lejoni tash të fokusohemi në ndeshjen tonë të radhës zyrtare, pasi që do të luajmë ndaj Manchester Unitedit për ‘Community Shield’ (Superkupa angleze), e pastaj të shohim javë pas jave si do të shkojë kampionati,” ka shtuar ai.

Leicester City befasoi tërë botën e futbollit stinorin që e lamë pas duke u bërë kampion i Anglisë.