Humbja e parë e liderit

Pas 15 xhirove pa humbje që nga fillimi i stinorit, Borussia Dortmund, është mposhtur kur më së paku pritej.

Fortuna Dusseldorf që po lufton për mbijetesë në Bundesligë këtë stinor ka arritur që të shënojë fitore 2-1 ndaj milionerëve të Dortmundit për të shënuar fitore jetike që i nxorri ata nga zona e rrezikshme.

Belgu Dodi Lukebakio shënoi për epërsinë e vendasve, ndërsa në fillim të pjesës së dytë epërsinë e dyfishoi Jean Zimmer.

TABELA AKTUALE

E, e tëra që arriti Dortmund deri në fund ka qenë zbutja e epërsisë me golin e shënuar nga zëvendësuesi Paco Alcacer që u fut në ndeshje në minutën e 61-të të ndeshjes.

Me humbjen e Dortmundit, pritet që përfitim të madh të bëj Bayern, që nesër zhvillon duelin e xhiros me Leipzigun dhe në rast fitoreje i afrohet në 6 pikë liderit.