Zola del në përkrahje të Mourinhos

Ndihmës trajneri i Chelseat, Gianfranco Zola, i ka dalë në përkrahje Jose Mourinhos, që sot u shkarkua nga Manchester United.

Në një bisedë me media para ndeshjes së Carabao Cup ndaj Bournemouthit, Zola ka thënë se një njeri dhe strateg si Mourinho i duhet futbollit.

“Nuk është mirë të shohësh një trajner të lihet pa punë, posaçërisht dikush si Jose, që ka fituar aq shumë dhe i ka dhënë shumë kësaj loje dhe ekipit,” ka thënë Zola para konferencës, shkruan goal.com.

“I dëshiroj të gjitha të mirat dhe jam i sigurt se ai do t’i kthehet shpejt futbollit me një aventurë të re, në një ekip tjetër,” është cituar të ketë thënë ish reprezentuesi italian dhe ish lojtari i Chelseat e Parmës.