I harruari

Qendërmbrojtësi veteran i Liverpoolit që të hënën tjetër i mbush 35 vjet, Jamie Carragher, e ka të qartë se po i kalon koha. 

Atij ende nga askush nga krerët e klubit nuk i është afruar për të kërkuar vazhdim të kontratës, përkundër viteve të tëra në shërbim të të kuqve, apo një jete të tërë, pasi që ai asnjëherë s’ka ndërruar klubin e tij. 

“I kam të qarta të gjitha çështjet dhe i pranoj të gjitha vendimet e klubit. Do të provoj të luaj sa më shumë ndeshje këtë stinor dhe të shohim se çka do të ndodh në fund,” ka thën Carragher për gjendjen e tij aktuale në klub. 

Liverpool gjindet në pozitën e shtatë të Premier League, ndërsa Carragher ka filluar vetëm dy ndeshje gjatë këtij stinori, pasi që trajneri i ri Brendan Rodgers më shumë preferon dyshen Daniel Agger - Martin Skrtel.