DRENICAKËT
BOROZANI/D.S./Arkiv
I revanshohen Ferizajit
8 November, 2014 @15:01
Drenica ka arritur të shënojë fitoren e pestë të stinorit sot në Superligë, duke e mposhtur Ferizajin në Bajram Aliu me rezultat minimal 1-0.
Golin e vetëm, të vlefshëm për tre pikë për ekipin e Tahir Lushtakut e shënoi Besart Dushi pak pa përfunduar pjesa e parë e takimit.
Me këtë fitore, Drenica iu revanshua ferizajasve për disfatën e pësuar në Ferizaj në xhiron e tretë të kampionatit, kur kishin pësuar 3-1.
Drenica tashmë kërcen në pozitën e gjashtë të tabelës, përkohësisht, me këtë fitore dhe në xhiron e ardhshme përsëri do të luaj si vendas ndaj skuadrës në formë, të Trepçës’89.
Ferizaji që është në krizë të fitoreve, pasi që ka vetëm tre pas 14 xhirove, do të pres ekipin nga fundi i tabelës, Dritën.
