I sterilizuam

Milan mbrëmë ia lejoi topin në pronësi, por nuk ia dha hapësirën deri në 20 metra afër portës, derisa Kevin Prince Boateng dhe Sulley Ali Muntari në anën tjetër shënuar për fitoren e madhe rossonere mbrëmë. 

“Jemi përgatitur për gjithçka. Kemi luajtur sipas tyre, mirëpo kemi mbuluar hapësirat që t’i sterilizojmë,” ka thënë mesfushori i Milanit, Riccardo Montolivo për Mediasetin mbrëmë pas ndeshjes duke festuar fitoren 2-0  ndaj Barcelonës. 

“Në golin e parë kemi pasur fat, por e dyta ka qenë vulë e lojës sonë të mirë. Tashmë kemi filluar të mendojmë për ndeshjen e kthimit dhe shpresojmë që Messi të mos jetë në 100% e tij përsëri,” ka thënë ndër të tjera mesfushori i ardhur nga Fiorentina, që me plotë sukses është duke e kryer punën e legjendës Andrea Pirlo. 

Milan ka mposhtur Barcelonën e favorizuar mbrëmë në ndeshjen e parë të Ligës së Kampionëve.