TONI KROOS
I vendosur
7 July, 2014 @16:23
Toni Kroos e di se për cilën skuadër do të luaj në stinorin e ri. Mesfushori gjerman i cili po përflitet se do të transferohet në Real Madrid, ka thënë se ka marrë vendim në lidhje me të ardhmen e tij.
“Unë kam marrë vendimin tim, por së pari dua të mendoj Kupën e Botës, e pasi që të përfundoj ajo, do ta publikoj vendimin,” ka thënë mesfushori për gazetën gjermane TZ, duke mos dashur të publikoj se cili është vendimi i tij.
Ditë më parë, e përditshmja spanjolle, Marca, e njohur me afërsinë e saj me Real Madridin, kishte shkruar se ekipi madrilen ka arritur marrëveshje me Toni Kroosin dhe kjo marrëveshje do të publikohet pas përfundimit të Kampionatit Botëror.
Sipas Marcas, Reali do t’i paguaj 25 milionë euro Bayernit për kartonin e Kroosit.
