Milan në bisedime për kroatin

Mbrojtësi i Genoas, Sime Vrsaljko, mund të përfundojë në Milan. Ky është lajmi më i ri që po qarkullon në mediat italiane, derisa agjenti i këtij lojtari e ka konfirmuar këtë për Milan News. 

“Të shohim çka kërkojnë Genoa dhe Milan. Sot dhe nesër do të ketë një takim mes dy ekipeve, derisa lojtari së pari pret marrëveshjen e ekipeve, pastaj do t’i shpalos kërkesat e tij,” ka thënë Beppe Risto, agjent i mbrojtësit 22 vjeçar kroat. 

Ai gjithashtu ka bërë të ditur se Vrsaljko po kërkohet edhe nga Napoli, Fiorentina dhe Juventus. 

Vrsaljko stinorin e kaluar debutoi në Serie A për ekipin e Genoas, kur arriti nga Dinamo Zagreb.